ഇലന്തൂര്: കുടുംബശ്രീ ജില്ലാ മിഷന് ഇലന്തൂര് ഗ്രാമപഞ്ചായത്തുമായി സഹകരിച്ച് സംഘടിപ്പിച്ച സമുന്നതി ഫുട്ബോള് പരിശീലന സമാപന സമ്മേളനം പ്രമാടം റിവേറിന് ടര്ഫില് ഗ്രാമപഞ്ചായത്ത് പ്രസിഡന്റ് കെ.പി. മുകുന്ദന് ഉദ്ഘാടനം ചെയ്തു.
ഗ്രാമപഞ്ചായത്ത് മെംബര് കെ.ജി. റെജി അധ്യക്ഷത വഹിച്ചു. സിഡിഎസ് ചെയര്പേഴ്സണ് കെ.പി. തുളസി മുഖ്യപ്രഭാഷണം നടത്തി. വാര്ഡ് മെംബര് കെ. ശില്പ, ഫുട്ബോള് ട്രെയിനര് ഏബ്രഹാം ജോണ്, സിഡിഎസ് മെംബര്മാരായ ശ്രീകല റെജി, റിന്സി മാത്യു, കൂടുംബശ്രീ ബ്ലോക്ക് കോ-ഒാർഡിനേറ്റര് അഞ്ജന മധു, സമുന്നതി ആര്പി വിനീത വിജയന് എന്നിവര് പ്രസംഗിച്ചു. മികച്ച ഫുട്ബോള് പരിശീലകനായ ഏബ്രഹാം ജോണിനെ യോഗത്തില് ആദരിച്ചു.
സൗഹൃദ ഫുട്ബോള് മത്സരത്തിലെ വിജയികള്ക്കും റണ്ണേഴ്സ് അപ്പിനും മെഡലുകളും പരിശീലനത്തില് പങ്കെടുത്ത എല്ലാ കുട്ടികള്ക്കും സര്ട്ടിഫിക്കറ്റുകളും വിതരണം ചെയ്തു. കുട്ടികളുടെ രക്ഷിതാക്കളും പരിപാടിയില് പങ്കെടുത്തു. ആദ്യമായി ടര്ഫില് വന്ന് മത്സരത്തില് പങ്കെടുത്തത് കുട്ടികള്ക്ക് വ്യത്യസ്ത അനുഭവവും ആവേശവുമായി.
Deepika
E-paper LOGIN
LOGIN
